Ակադեմիական կրթությո՞ւն, թե՞ մասնավոր դասընթացներ
Այսօր Հայաստանում, ինչպես ամբողջ աշխարհում, մասնագիտություն ընտրելիս երիտասարդները կանգնած են ընտրության առաջ՝ ստանալ ակադեմիական կրթությո՞ւն , թե՞ անցնել մասնավոր դասընթացներ։
Միլենա Ասատրյան
ԲՊՀ լրագրության բաժնի 4-րդ կուրսի ուսանող
Բուհական կրթությունը շարունակում է մնալ ավանդական և հանրաճանաչ ուղի բարձր որակի կրթություն ստանալու համար, որը ուսանողներին տալիս է ամուր տեսական հիմք և զարգացնում քննադատական մտածողություն, հաղորդակցման և հետազոտական հմտություններ։ Ըստ համաշխարհային փորձի, բուհական կրթությունը ոչ միայն ապահովում է գիտելիքների համակարգված փոխանցում, այլև ձևավորում է մասնագիտական մտածողություն և ինքնուրույն աշխատելու կարողություն։
Red Invest group-ի աշխատակից, ԲՊՀ դասախոս Կոստանտին Ամիրաքյանը դասավանդում է և' բուհում, և' մասնավոր ակադեմիաներում: Ըստ Ամիրաքյանի բուհական կրթության ծրագրի մեջ մեծ բաց կա մասնավորապես գործնական առաջադրանքների շրջանում: Այն մասնագետները, որոնք ավարտել են միայն բուհ չեն կարողանում բավարարել գործատուների պահանջները, քանի որ չեն տիրապետում գործնական հմտությունների. բուհում սովորել են միայն տեսական գիտելիքներ:
Այժմ միտումները այլ են, գործատուները ուշադրություն են դարձնում ոչ թե դիպլոմին, այլ մասնագետի գործնական գիտելիքներին: Կոնստանտին Ամիրաքյանը նաև նշեց, որ թեև մասնավոր դասընթացները տալիս են գործնական գիտելիքներ և գումար աշխատելու հնարավորություն, սակայն դրանք ֆունդամենտալ գիտելիքներ չեն: Ամենաճիշտ տարբերակը համտեղելն է բուհի տեսական և հիմնարար գիտելիքները մասնավոր դասընթացների գործնական գիտելիքների հետ:
Բուհական կրթությունը նաև ապահովում է գիտության, կրթության և աշխատանքի միջև կայուն կապ։ Բուհերը դառնում են նորարարական մտածողության և հետազոտական գործունեության կենտրոններ։ Համաձայն ՅՈւՆԵՍԿՕ-ի զեկույցի՝ բարձրագույն կրթությունը հանդիսանում է սոցիալական և տնտեսական զարգացման առանցքային գործոն, որը նպաստում է մարդկային կապիտալի աճին և նոր գիտելիքի ստեղծմանը։
Բուհական կրթությունը նաև ապահովում է գիտության, կրթության և աշխատանքի միջև կայուն կապ։ Բուհերը դառնում են նորարարական մտածողության և հետազոտական գործունեության կենտրոններ։ Համաձայն ՅՈւՆԵՍԿՕ-ի զեկույցի՝ բարձրագույն կրթությունը հանդիսանում է սոցիալական և տնտեսական զարգացման առանցքային գործոն, որը նպաստում է մարդկային կապիտալի աճին և նոր գիտելիքի ստեղծմանը։
Ըստ 2024 թվականի հաշվետվության՝ բուհական կրթության ոլորտում նկատվում է ուսումնական ծրագրերի արդիականացում և նոր տեխնոլոգիաների ներմուծում։ Շատ բուհեր անցում են կատարում հիբրիդային ուսուցման մոդելի, որը համատեղում է առկա և առցանց դասընթացները՝ ուսանողներին առաջարկելով ավելի ճկուն և անհատականացված կրթական փորձ։ Բարձրագույն կրթության և գիտության կոմիտեի աշխատակից Եկատիրինա Կաշինան կարծում է, որ ակադեմիական կրթությունը ուսանողին տալիս է բազմաշերտ համակարգված գիտելիքներ, ինչպես նաև սերմանում է մարդկային և ազգային արժեքներ։
Մասնավոր դասընթացներ
Մասնավոր դասընթացներն այսօր լայն տարածում են գտնում այն ոլորտներում, որտեղ անհրաժեշտ է արագ և կոնկրետ հմտություններ ձեռք բերել։
Այս դասընթացները առաջարկում են կարճատև, բայց չափազանց արդյունավետ ուսուցում ծրագրավորման, մարքեթինգի, լուսանկարչության, մուլտիմեդիայի, դիզայնի և այլ ոլորտներում։ Օնլայն հարթակները՝ Coursera, Ardy Academy, LinkedIn Learning-ը, առաջարկում են դասընթացներ, որոնք հնարավորություն են տալիս ճկուն ընտրություն կատարել ուսուցման տեմպի, խորացման մակարդակի և այլնի մեջ:
Նարեկ Սամվելյանը դասավանդել է թե՛ ակադեմիական միջավայրում, թե՛ մասնավոր դասընթացներում, և կարծում է, որ մասնավոր դասընթացները ունեն մի քանի հստակ առավելություն, որոնք չունի ակադեմիական կրթությունը։
Նարեկ Սամվելյանը դասավանդել է թե՛ ակադեմիական միջավայրում, թե՛ մասնավոր դասընթացներում, և կարծում է, որ մասնավոր դասընթացները ունեն մի քանի հստակ առավելություն, որոնք չունի ակադեմիական կրթությունը։
«Մասնավոր դասընթացների սեփականատերը հետաքրքրված է ուսանողին պահելու և լավ արդյունքներ ապահովելու մեջ, այդ պատճառով ապահովում են հարմար պայմաններ։ Երիտասարդները հաճախ ընտրում են մասնավոր դասընթացներ, նույնիսկ երբ ունեն բուհական կրթություն, որովհետև ցանկանում են ստանալ արդիական գիտելիք, պրակտիկ փորձ ունեցող դասախոսների ուսուցում, այնպիսի առարկաներ, որոնք սովորաբար չեն դասավանդվում բուհերում, արագ արդյունքներ և աշխատաշուկայում կիրառելի հմտություններ»։
Նարեկ Սամվելյան
GrandArt ստուդիայի ուսուցիչ, Գեղարվեստի ակադեմիայի նախկին դասախոս
Հասմիկ Դադյանը ԲՊՀ 4-րդ կուրսի ուսանող է և հաճախում է Ardy Acadmy -ի մասնավոր դասընթացներին, փաստորեն համատեղում է բուհական կրթությունը և մասնավոր դասընթացները: ԲՊՀ-ում ուսումնասիրում է անգլերեն և թարգմանչություն, իսկ մասնավոր դասընթացներում` մարկետինգ: Ըստ Հասմիկի` մասնավոր դասընթացներում ավելի շատ ձեռք է բերում գործնական գիտելիքներ և փորձ, աշխատում է աշխատաշուկայում հայտնի և պահանջված մասնագետների հետ, ակադեմիան նաև ունի տեխնոլոգիապես զարգացած լսարաններ, ինչը ևս կարևոր հանգամանք է: Ասում է, որ անկախ այն հանգամանքից, որ ուսումնասիրում է երկու տարբեր մասնագիտություններ, դրանք միմյանց լրացնում են:
Ardy Academy-ի կրթական միջավայրը
Լուսանկարները` Ardy Academy-ի կայքից
Անշուշտ ընտրությունը երիտասարդներինն է, սակայն կարևոր է հասկանալ, թե ինչ նպատակներով և ինչ ակնկալիքներով են դիմում որևէ կրթական միջավայր ուսում ստանալու համար: